Маъбони Ӯзбекистон дар Паралимпиадаи Рио-2016 30 медал гирифтанд

ВАРЗИШ ВА САЙЁҲӢ, ОСИЁИ МАРКАЗӢ, Туркманистон

Бинобар иттилои «Газете.uz», мунтахаби олимпии варзишгарони маъюби Ӯзбекистон дар 7 рӯзи Паралимпиадаи V тобистонаи Рио-2016 30 медал ба даст оварданд, ки аз  ин 7-тоаш тилло, 6 ададаш нуқра ва 17-тои дигараш биринҷӣ мебошанд. Ин ба дастаи олимпии Ӯзбекистон имкон додааст, ки дар байни 176 мунтахаби кишварҳо ҷойи 12-умро ишғол намояд.

Ӯзбекистон ба Паралимпиадаи Рио-2016 32 варзишгарро дар намудҳои дзюдо, варзиши сабук, шиноварӣ, тирпаронӣ ва  пауэрлифтинг сафарбар кардааст, ки  12 нафарашон варзишгарони сабук мебошанд. Дзюдочиёни малул барои кишварашон 10 медал овардаанд (3 тилло, 1 нуқра ва 6 биринҷӣ). Шиноварон бошанд, 8 медал гирифтанд (2 тилло, 2 нуқра ва 4 биринҷӣ). Варзишгарони дигари малул дар мусобиқоти дискапартоӣ ва найзапартоӣ медалҳои тиллоро сазовор гаштанд.

Эмоми НАЗАРИЁН


Поделиться новостью в социальных сетях:

Leave a Reply