Нахустин фармони президент

ДИН ВА ҶОМЕА, ОСИЁИ МАРКАЗӢ, ХАБАРИ ТОЗА, Қирғизистон

Президенти тозаинтихоби Қирғизистон Сооронбой Ҷээнбеков бо имзои нахустин фармони худ ба президенти пешини ин кишвар Алмосбек Отамбоев унвони «Қаҳрамони Ҷумҳурии Қирғизистон»-ро дод.

Ба огаҳии дастгоҳи президенти Қирғизистон, ин унвон ба Отамбоев барои «хидматҳояш дар таҳкими истиқлолияти давлатӣ, ваҳдати миллӣ, сулҳу субот дар кишвар, гузоштани заминаҳои рушди устувори Қирғизистон, изҳори иродаи сиёсӣ ва мардонагӣ» тақдим гашт. Бар пояи фармон, Отамбоев ҳамчунин бо нишони махсуси «Оқ-Шумқор» қадрдонӣ шудааст.

Сооронбой Ҷээнбеков 24 ноябр, баъд аз ёд кардани савганд гуфта буд, ки «Отамбоев фарҳанги нави сиёсиеро дар кишвараш асос гузошта, қудратро дар асоси интихоботи одилона таслим кард». Ҷээнбеков изҳор дошта буд, ки бо нахустин фармони худ ба ӯ унвони «Қаҳрамони Ҷумҳурии Қирғизистон»-ро хоҳад дод.


Поделиться новостью в социальных сетях:

Leave a Reply