Дустии инсону наҳанги сафед

Наход, ХАБАРИ ТОЗА, ҶАҲОН

Ин субҳ низ чун ҳамеша Ҷон дар наздикии баҳр медавид, ки чашмаш ба наҳанги ҷавони сафеде афтод, вазнаи наҳанг тахминан ба вазни худи Ҷон баробар буд.

Ин наҳанги ҳанӯз ҷавону бетаҷрибаро эҳтимол мавҷи шадид ба берун партофта буду вай қариб, ки аз беобӣ ба марг наздик шуда буд. Мард ба ҳоли ин ҷонвари бечорае ,ки ҳарисона даҳон кушода кӯшиш мекард нафас гирад раҳмаш омад, ба атроф нигоҳ кард аммо дар наздикиҳо касеро надид, ки ба ёрӣ ҷеғ занад. Чун ҳар лаҳза ғанимат буд Ҷон худаш ба наҳанг наздик шуд ва бо азобу машақати зиёд вайро ба тарафи баҳр кашолакунон бурд.

Пӯсти сахту дағали наҳанг ҳарчанд дастонашро озурдаву дардманд кард, лекин Ҷон аз райъаш нагашт ва як илоҷ карда наҳангро то андозаи даркорӣ ба об даровард ва ҷонвари наҷотёфта дар об шинокунон нопадид гашт. Субҳи рӯзи дигар ҳангоми гузаштан аз назди баҳр мард беихтиёр ба баҳр назар афканд гӯиё интизори дидани наҳанг буд ва аҷобаташ дар он буд, ки каме пас аз об сари наҳанг намоён шуд. Ба назар чунин мерасид, ки ин моҳии хунхор бо чунин амалаш ба наҷотдиҳандаи ҷонаш изҳори минатдорӣ кардан мехоҳад ва Ҷон аз дидани вай хушҳол гашта, ба тарафаш дасташро бардошта афшонду давон аз назди баҳр дур шуд.  Аз ин пас ҳар субҳ мард ва наҳанг дар лаби баҳр ру ба рӯ мешуданд наҳанг сарашро аз об бароварда давидани наҷотдиҳандаи худро назорат мекард ва баробари Ҷон аз даруни об ҳаракат мекард. Ҳамин тариқ дустии наҳангу ин мард оғоз гашт. Ҷон ин дӯстӣ хешро Бланка ном гузошт. Моҳе пас Ҷон ҳамроҳи дӯстонаш ба қаиқ ба баҳр баромаданд

ва тамомӣ муддати дар баҳр буданашон Бланка дар бари қаиқи онҳо шино мекард ва ҳатто вақте қаиқ сукут кард вай сарашро аз об берун бароварда ба Ҷон наздик кард то ин, ки вай тавонад бо дасташ сари наҳангро ламс кунад. Дӯстон аз ин рафтори моҳии хунхор моту ҳайратзада шуданд. Аз ин пас ҳаргоҳе, ки Ҷон ба баҳри кушод баромада қоиқсаворӣ мекунад Бланка тамоми роҳ ӯро ҳамроҳӣ мекунад ва ҳатто онҳо бо ҳам шино мекунанд.

Кунун аз ин ҳодиса 6 сол гузаштаву Бланка калон шудааст, айни замон дарозии қади ин наҳанги сафед баробар ба 6 метру вазнаш наздик ба як тонна  шудааст. Беҳуда нагуфтаанд, ки “Некиро куну ба об парто”.

 


Поделиться новостью в социальных сетях:

Leave a Reply